ФОТО: Манасков и Веспрем го освоија Купот на Унгарија!
Денеска во големото финале екипата на Веспрем триумфираше со резултат 28:26 против составот на Пик Сегед.
Македонскиот репрезентативец Дејан Манасков придонесе во победата со два голови, а најефикасен беше Јахја со шест, по пет имаа Ненадиќ и екс членот на Вардар 1961, Рожерио Мораеш.
На спротивната страна најрасположен беше Радивојевиќ со шест голови, еден помалку запиша Кашпарек.
Претходно во полуфиналето од Купот Веспрем беше подобар од Балатонфуреди (43:26), а на тој меч нашето лево крило запиша пет погодоци.
И во шампионатот Пик Сегед е најголемиот ривал на Веспрем, иако таму моментно на табелата бодовната разлика е голема. Екипата на Давид Дејвис има огромни „плус 11“ пред второпласираниот Пик Сегед, но и три меча повеќе.
?????? pic.twitter.com/Fwr7rvWSh9
— VeszprémHandballTeam (@telekomveszprem) April 12, 2021