ФОТО | Македонската Суперлига во топ 8 првенства со најмногу ракометари на Мундијалот
Освен што Светското првенство е собир на најдобрите репрезентации кои се борат за трофејот, сепак тоа е и показател на квалитетот на првенствата. Очекувано, во овој момент најмногу ракометари на Мундијалот доаѓаат од германската Бундеслига.
Од вкупно 563 ракометари во 32 репрезентации 86 доаѓаат од Бундеслигата. Долго време германската лига се смета за најдобрата во светот и таму играа најмногу квалитетни ракометари.
Веднаш зад Бундеслигата е француската Лига 1. Од ова првенство на Мундијалот доаѓаат 50 ракометари. Во топ осум место доби и македонската Суперлига со 18 ракометари, секако најголем дел се ракометари од македонската репрезентација. Од странските на Светското првенство се Урбан Лесјак и Мирко Радовиќ од Еурофарм Пелистер и Јан Чувара од Вардар.
Нашата Суперлига се наоѓа на осмата позиција и пред нас со 21 ракометар е Саудиска Арабија. На прв поглед ова можеби е изненадување, но не е ако се знае дека целата нивна репрезентација игра во нивното домашно првенство.
View this post on Instagram