„Nike“ го тужи уметничкиот колектив Бруклин MSCHF поради контроверзниот пар „сатански патики“, кои содржат капка човечка крв во ѓонот, но тоа не ја спречи позната пејачка Мајли Сајрус, да ги купи и да ужива во нивната удобност, бидејќи според дизајнот се модификација на „Nike Air Max 97s“.

MSCHF во понеделникот објави 666 пара патики во соработка со раперот Лил Нас Х и вели дека се распродадени за помалку од една минута. Еден од купувачите била и поп – рок ѕвездата Мајли Сајрус, која фотографиите во овие патики ги објави на својот инстаграм – профил.

 

View this post on Instagram

 

A post shared by Miley Cyrus (@mileycyrus)

„Го гледате ли сатаната?“, напиша пејачката во описот на фотографиите.

Лансирањето се совпаѓа со објавувањето на спотот за новата песна на Лил Нас Х „Montero (Call Me By Your Name)“, во која раперот оди „од рајот во пеколот“ во „сатанските патики“.

Контроверзните патики чинат 1.018 долари, а во ѓонот содржат и една капка човечка крв, што ја донирале членовите на уметничкиот колектив.

MSCHF x Lil Nas X “Satan Shoes” ?

?Nike Air Max ’97
?Contains 60cc ink and 1 drop of human blood
?️666 Pairs, individually numbered
?$1,018
?️March 29th, 2021 pic.twitter.com/XUMA9TKGSX

— SAINT (@saint) March 26, 2021

Направени се исто како „на сатаната“ – украсени се со превртен крст, пентаграм, натпис „Лука 10:18“ (повикување на библискиот стих: „Тој им рече: видов дека Сатана паѓа како молња од небото“) , број 666, но исто така и заштитното лого на брендот „Nike“ затоа што според дизајнот се модификација на „Nike Air Max 97s“ и компанијата веќе има проблеми поради тој избор.