Ким Кардашијан и Луис Хамилтон не можеа да ги тргнат рацете еден од друг додека уживаа во брановите во Малибу во вторникот. Двојката се шеташе по брегот пред да влезе во океанот за да се разлади за време на сесијата со педлборд, при што двајцата изгледаа многу опуштено во меѓусебното друштво, пренесува „Дејли мејл“.

Во еден момент, Хамилтон ја прегрна Кардашијан додека таа му се насмевнуваше, очигледно воодушевена од неговото внимание. 45-годишната реалити ѕвезда носеше горен дел од бикини и црно нуркачко одело закопчано до половината, додека 41-годишниот возач на Формула 1 носеше шорцеви и маица.

Новата двојка за првпат излезе во јавност на Супербол во февруари, откако беа пријатели повеќе од десет години. Неодамна беа забележани заедно и за време на првиот викенд од фестивалот Коачела во Калифорнија, каде пристигнаа држејќи се за раце на настапот на Џастин Бибер. На фестивалот им се придружи и најстарата ќерка на Ким, Норт Вест.

Јавните појавувања доаѓаат по информациите дека Кардашијан патувала речиси 18.000 километри само за да помине 24 часа со Хамилтон. Се верува дека Ким минатата недела со својот приватен авион летала за Лондон за да го види Хамилтон во неговиот дом во Кенсингтон вреден 18 милиони фунти.

Извори блиски до Кардашијан велат дека нејзиното исцрпувачко патување преку Атлантикот било обид да ја одржи романсата жива.

„Луис и Ким се двајца од најзафатените луѓе во шоубизнисот, но тие се решени да направат сè за да се видат кога имаат малку слободно време“, изјави извор за „The Sun“.

Хамилтон е првото сериозно момче на Кардашијан по нејзината врска со Пит Дејвидсон. Иако се пријатели повеќе од една деценија, нивната романса започна на почетокот на оваа година со заеднички одмори во Англија и Франција.