ФОТО: Лејди Гага со совршени модни изданија инспирирани од магичниот гламур на стариот Холивуд
Лејди Гага неодамна во Њујорк се појави во издание кое не можеше да остане незабележано. Во бел фустан и долг бел мантил, инспириран од гламурот на стариот Холивуд, многумина се согласија дека познатата пејачка никогаш не изгледала подобро.
Ѕвездата беше фотографирана на излегување од луксузниот хотел „Плаза“ во Њујорк а нејзиниот целосно бел стајлинг со бескрајно шик слоеви го предизвика вниманието на светската јавност.
View this post on Instagram
Заедно со совршено скроениот капут од брендот „Фенди“, Лејди Гага носеше фустан со потпис на Џиамбатиста Вали украсен со здолниште направено од изопачени рабови од органза и бели точки. Пејачката носеше очила за сонце и чанта од брендот „Марк Крос“.
За да му даде совршено гламурозен допир на својот аутфит, Лејди Гага носеше класични сатенски салонки со ремен околу глуждот од „Џими Чу“.
View this post on Instagram
Со собрана коса во тесна пунџа и со бисерни обетки, Лејди Гага изгледаше како славните ѕвезди од златното доба на Холивуд.
Ваквата трансформација навистина совршено ѝ одговара на пејачката, а за време на целиот нејзин престој во Њујорк блескаше во одлични стилски стајлинзи кои потсетуваат на магичниот гламур на стариот Холивуд.
View this post on Instagram
Така, таа носеше тесен розов фустан со точки, црн фустан од Џузепе ди Морабито со процеп до половина од бутот и волшебен вечерен фустан од тантела и тул.
View this post on Instagram
Се чини дека градот кој никогаш не спие ја инспирирал пејачката за некои од најдобрите стајлинзи во кои некогаш сме имале можност да ја видиме.
