ФОТО: Лејди Гага и Полански се бакнуваат преку заштитни маска
Пејачката Лејди Гага на својот инстаграм – профил објави фотографија од инаугурацијата на американскиот претседател Џо Бајден, на која се бакнува со своето момче Мајкл Полански.
Тие се бакнуваа преку маски, а Гага во описот на фотографијата стави емотикон гулаб, што асоцира на златниот брош – гулаб кој го носеше на фустанот за време на инаугурацијата.
Инаку, Лејди Гага беше главната ѕвезда на инаугурацијата на новоизбраниот американски претседател Џо Бајден, а нејзината изведба на химната ја воодушеви јавноста.
Кога не пееше, седеше покрај своето момче скоро цело време, а Џенифер Лопез и нејзиниот партнер Алекс Родригез беа исто во нивна близина.
Гага и Полански официјално објавија дека се во врска во февруари минатата година, и оттогаш се неразделни, а често објавуваат заеднички фотографии на социјалните мрежи.