ФОТО | Кралската ковачница ги претстави првите монети со ликот на кралот Чарлс Трети

Фото: EPA-EFE/TOM HARRISON

За време на долгото владеење на Елизабета Втора, на монетите беа користени пет нејзини различни портрети. Нејзиниот портрет е прикажан и на валути на десетици други земји низ светот, како потсетник на колонијалниот досег на британската империја. По 23 дена од смртта на нејзиното Величество, кралската ковачница ги претстави првите монети на кои е прикажан ликот на новиот крал Чарлс Трети.

 

View this post on Instagram

 

A post shared by The Royal Mint (@royalmintuk)

„Ние коваме монети за британската монархија повеќе од 1100 години… За нас е голема чест да ја коваме првата слика на неговото Височество кралот Чарлс Трети во Велика Британија“, се вели во соопштението на ковачницата.

Се прецизира дека релјефот на портретот на кралот Чарлс Трети го направил британскиот скулптор Мартин Џенингс, а самиот крал го одобрил делото.

 

View this post on Instagram

 

A post shared by The Royal Mint (@royalmintuk)


Во согласност со традицијата од 17 век и нумизматичките правила, Чарлс Трети е претставен „налево“ на монетата, за разлика од неговата мајка, Елизабета Втора која била претставена на двете страни.

„Кралот Чарлс Трети, по милоста Божја, бранител на верата“, гласи натписот на монетата.

 

View this post on Instagram

 

A post shared by The Royal Family (@theroyalfamily)

Кралот на Велика Британија е и поглавар на Националната англиканска црква.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот