На патот Гњилане – Урошевац денеска е откриен споменик на Џозеф Р. Бо Бајден III, починатиот син на новоизбраниот претседател на САД Џо Бајден, објави „Репортери“.

На свечената церемонија градоначалникот на Гњилане, Љутфи Хазири, по чија иницијатива е поставен споменикот, го пофали придонесот на Бо Бајден.

– Денеска го откриваме споменикот на Џозеф Р. Бо Бајден III, кој го поставивме на патот Гњилане – Урошевац, рече Хазири и додаде дека тој оставил солидарност и посветеност на Косово, пренесува Танјуг.

Бо Бајден работел на Косово после војната, пренесува Косово онлајн. Инаку и патот долг 35 километри во близина на кампот Бондстил, исто така го носи неговото име.

Синот на Џо Бајден Бо, почина на 6. јануари 2015 година од рак. Тој по војната на Косово, работел во ОБСЕ и помагал во обуката на локалните косовски обвинители и судии. Бил и државен обвинител во Делавер, а во рамките на американските воени сили бил на служба во Ирак.