Многу sвезди ширум светот споделија фотографии со своите семејства каде уживаат во заедничко дружење. Тие покажаа раскошно украсени домови, како и традиционални „грди божиќни џемпери“, а еден од најпознатите супермодели во историјата го направи спротивното.

Клаудија Шифер им го честиташе Божиќ на своите обожаватели со провокативна фотографија на која е облечена во црвена секси долна облека и капа на Дедо Мраз од нејзините помлади денови.

Волшебната Клаудија ја открија модните агенти во еден ноќен клуб во Дизелдорф и наскоро стана една од најбараните супермодели. Триесет години подоцна, за британскиот Ел, таа погледна назад во завидната кариера и откри до сега непозната пикантност за нејзиниот живот.

„Беше лудо време! Живеев како рок sвзда. Ме чуваа телохранители на секоја модна ревија. Не само јас, туку и облеката, дури и долната облека – градници и гаќички. Секој пат кога ќе излезев на пистата и ќе се вратев, моите работи ги немаше, сè ќе беше исчезнато. Затоа мојата долна облека мораше да има свои чувари“, рече 50-годишната Шифер. Денес таа е среќна сопруга на режисерот Метју Вон и мајка на 17-годишниот син Каспер, 15-годишната ќерка Клементин и 9-годишната Косима.

Убавицата со германско потекло сè уште може да се пофали со витка линија на која можат да и позавидат и нејзините многу помлади колешки, а неодамна искрено зборуваше за стареењето и објасни дека со задоволство ја прифаќа нејзината зрела возраст. ‘Не се обидувам да изгледам или да се чувствувам помладо отколку што сум. Уживам во сегашниот момент’, рече Клаудија.