Пејачката Јелена Карлеуша често споделува моменти од приватниот живот со своите следбеници на социјалната мрежа „Инстаграм“. Таа објавува провокативни фотографии, модни комбинации кои изненадуваат многумина, но често и ги кажуваат своите ставови за борбата против убивањето животни.

Откако постојано ги критикуваше сите оние кои јадат месо, таа сега на својот инстаграм-профил ја коментираше иднината на нашите потомци.

„Еден ден нашите потомци ќе зборуваат за нас како дивјаци, психопати и нелуѓе кои убивале, јаделе и „носеле“ животни. Ние сме темната страна на историјата и човештвото. Нашите потомци ќе се срамат и ќе се одречат од нас затоа што она што сега го правиме како раса, засекогаш ја уништува планетата што останува за нашите деца. Ќе зборуваат за нас како лудаци што изеле нечија нога, џигер и срце и не виделе ништо чудно во тоа што јадеме мртовец“, започнала Карлеуша.

„Ако се сеќавате на моите зборови низ историјата на вековите што доаѓаат, ве молам напишете дека се освестив и се одвоив од овие зомби со кои ја делам планетата на крвопролевањето, страдањето и болката. Кога ќе ја најдете временската машина, дојдете земете ме и спасете ме. Оставете ги овие негативци овде во мрачниот век“, заклучи таа.

Да потсетиме, ова не е прв пат Карлеуша да го искажува својот став за прашањето за убивање животни, а беше и заштитно лице на ПЕТА. Таа позираше на нивните постери со слоганот „Попрво гола отколку во крзно“.

ФОТО+ВИДЕО | Јелена Карлеуша позираше како зајаче за Велигден, ама не само со цел да биде секси