Ваквата објава на Апасиев е коментар на фејсбук-статус од неговиот сопартиец Реџеп Исмаил:
„Накие Бајрам (сопруга на Ферид Бајрам) заедно со Роса Плавева (сопруга на Илија Плавев), во првите години од 20 век го организирале бунтот на османлиските жени од Скопје против зарот и фереџето. Бунт кој почнува со тајниот состанок на педесетина жени на османлиски офицери што се одржал во јули 1908 година во домот на скопската шивачка Плавева.
Средбата тогаш е опишана како „конспиративен состанок“, на кој педесетина турски жени од Скопје, решиле јавно да се побунат против зарот и фереџето и покрај ризиците што ги носела таквата храбра одлука во тогашното конзервативно општество.
Имено, овие жени решаваат да се организираат и да се подготват за јавен протест на кој јавно и демонстартивно ќе се одбулат, веејќи знамиња со пораки: „доста ни е од црнила на очите“ или – „и ние сакаме живот како другите жени“.
На протестот исто така имало и црвени знамиња на кои пишувало „Турчинките бараат слобода“, стои во објавата.