ФОТО | Јелена Карлеуша гневна на јавноста, медиумите и истражните органи по реакциите за „Телеграм“: Поддршка доби и од Тамара Тодевска
На својот инстаграм – профил, поп – ѕвездата Јелена Карлеуша, напиша статус посветен на новата социјалната група на „Телеграм“ наречена „балканска соба“.
По објавувањето на српските медиумите и поддршката од јавноста за постоење на балканска мрежа налик на „Јавна соба“ во која партиципираат околу 36.000 мажи од Балканот и кои споделуваат експлицитни фотографии, снимки, но и адреси од жени од регионот, се огласи јавно и Карлеуша со свој коментар.
View this post on Instagram
„Гледам медиумите групно ги осудуваат оние кои на друштвената мрежа „Телеграм“ споделуваат фотографии од девојки и жени без нивно знаење и дозвола, со цел омаловажување и освета на истите. Се огласи дури и министерот за внатрешни работи, Вулин, кој најавува апсење на креаторите на групата. Драги медиуми, вие единствено треба… “ – е само почетокот на јавното обраќањето на Карлеуша која револтирано продолжува да ја напаѓа јавноста, медиумите и органите за безбедност, затоа што досега никој неа не ја заштитил првенствено како жена, а потоа како јавна личност од која постојано се објавуваат голи фотографии и невистини за кои медиумите немаат дозвола.
Исто така Јелена напомена дека била и уценувана и заплашувана со фотографии со експлицитна содржина, но кога таа не потклекнала на заканите и кога фотографиите „испливале“ во јавноста, сите корисници на социјалните мрежи и медиумите ги споделувале без да размислат дека ги прекршуваат човековите права. Таа вели дека со месеци била на удар на медиумите и јавноста веројатно алудирајќи на скандалот со фудбалерот Огнен Врањеш.
View this post on Instagram
„Тогаш не ви дојде до заштита на жените, тогаш не се огласи министерот за внатрешни работи“ – продолжува Јелена во своето обраќање до јавноста, истражните органи и широката јавност.
Објавата на Јелена ја споделија бројни јавни личности кои се засегнати со истиот проблем и кои се чувствуваат незаштитено, а сето тоа лошо влијае и на нивните семејства кои страдаат заедно со нив.
Една од македонските ѕвезди која јавно ја подржа Карлеуша е нашата пејачка Тамара Тодевска споделувајќи го нејзиното обраќање на социјалните мрежи преку нејзиниот личен инстаграм – профил.
