Некогаш, единствениот начин да се стигне до малото гратче Витиер на југозападна Алјаска било со брод или воз кога дозволувале временските услови. Меѓутоа, кога бил реконструиран железничкиот тунел од Втората светска војна, жителите и посетителите можеле да стигнат до ова необично место на север и со автомобил.

Клаустрофобично за посетителите, ослободувачко за жителите, возењето во тунел многу го олеснило животот во Витиер. Оние кои сакаат да патуваат по него мора добро да го испланираат своето време, бидејќи правецот на минување се менува секој час, а оние кои сакаат да се вратат во градот по 22:30 часот ќе немаат среќа. Луѓето кои спијат во автомобили недалеку од тунелот затоа што го пропуштиле последниот премин се вообичаена глетка таму, пишува „Пункуфер“.

Овој необичен град е одделен од остатокот од светот со немилосрдните врнежи. Годишниот просечен пад на снег во висина се таложи до 6,7 метри. Но, кога паѓа снег, станарите не мора да ја напуштаат зградата во која живеат. Поради сето ова, не е чудно што многу жители имаат и маици со натпис „Затвореник од Витиер“ .

Бетонскиот мастодон од ерата на Студената војна во исто време е дом на станови, болница, градска администрација и училиште. Зградата „Begich Towers Incorporated“ (БТИ) со 14 ката и 196 апартмани, позната во овие краишта едноставно како БТИ, изгледа како фатаморгана во снежниот пејзаж на Витиер. Изграден за да преживее гранатирање, БТИ шест месеци од годината се соочува со дожд, а шест месеци со снег и ветрови со брзина од 130 километри на час. 

Однатре, БТИ изгледа како секој масивен станбен комплекс во голем град. Но, ако излезете на прошетка, нема да најдете многу места за посета. Патувањето до работа за време на шпицот во Витиер значи запирање покрај лифтот на секој кат. Но, дури и кога е студено, вработените можат да носат сандали на работа. Пред да пристигнат на работното место, родителите се спуштаат во подрумот за да ги однесат своите деца на училиште преку премин кој личи на бункер. Во комплексот ќе најдете продавници, ресторани, пошта, библиотека, па дури и црква.