ФОТО | Исчезна овчар од Градешница, потрагата по него сѐ уште трае
На ден 23.1.2022 година, во 15.40 часот, од ЦУК Битола е добиена информација дека во с. Градешница е исчезнато лице со иницијали Т.Д. (77 години), кој од трлото со овци се упатил кон домот во селото Градешница, при што му се губи трагата. Во текот на денот семејството и соселаните го пребарувале теренот и по безуспешната потрага пријавено е во полициска станица во Општина Новаци и потоа во ЦУК Битола, известуваат од Дирекцијата за заштита и спасување.
Како што велат оттаму, веднаш по добивањето на дојавата е мобилизиран тим за брз одговор за спасување на планини кој се упатил кон с. Градешница, каде по пристигнувањето започнал со пребарување на теренот.
– Пребарувањето и покрај ноќното време траеше до утринските часови, поради влошување на времето и снежната виулица потрагата е прекината и тимот се повлече. Лицето не беше пронајдено, а потрагата продолжува, стои во соопштението на ДЗС.