Обилните врнежи од снег викендот во Скопје создадоа доста проблеми за граѓаните во движењето низ улиците, на пешачките зони и по велосипедските патеки.

Дел од граѓаните излегоа пред своите домови да расчистат, првиот работен ден од недела донесе и зголемена мобилност на екипи на службите под општинска капа или на комуналното претпријатие во главниот град, но дел од луѓето, особено оние кои го одбираат велосипедот како превозно средство и во вакви временски услови, наидоа на проблем.

Велосипедската патека на булеварот „Партизанска“, на потегот од ТЦ „Буњаковец“ до преминот кај Универзална сала спроти Градежен факултет, е претворена во „скокалница“ за велосипедистите.

Снегот што е расчистен од пред објектите е собран на купчиња долж патеката, што може да се воочи и низ фотографиите на „Слободен печат“.