ФОТО I Протести во Брисел по смртта на младиот Ибрахим: Белгиската полиција уапси 116 демонстранти меѓу кои 30 малолетници
Белгиската полиција уапси 116 лица во Брисел по протестот поради смртта на момче со африканско потекло кое почина во притвор по насилното апсење.
Официјални полициски претставници соопштија дека во центарот на Брисел дошло до насилство по вчерашните мирни протести на околу 500 демонстранти од кои дел носеа транспаренти и натписи „Црните животи се важни“.
Според полициски извори, меѓу 50 и 100 демонтранти останале на улица и предизвикале инциденти и судири со полицијата во кои се повредени и неколку полициски службеници. Во соопшението што го лиферува полицијата се наведува дека демонтрантите палеле оган, фрлале предмети кон полицајците, оштетиле неколку полициски возила и скршиле врата и прозорец на полициска станица.
Меѓу 116-те уапсени има 30 малолетници, а еден од нив е згрижен со возило на итната медицинска помош.
– Правдата мора да ги изведе пред суд оние кои нападнаа и повредија пет полицајци меѓу кои има и жена која е хоспитализирана, изјави шефот на сојузната полиција, Марк де Месмакер за телевизијата РТБФ.
Тој додаде дека треба да се постапува внимателно во случајот, но и во врска со 23 годишното момче кој е идентификуван од властите како И.Б. Белгиското Обвинителство побара да се именува истражен судија за смртта на момчето кое, според Обвинителството, било уапсено на 9 јануари, откако наводно се обидел на побегне на полицијата која легитимирала насобрани лица во центарот на градот и покрај ограничиувањата против ковид-19.
Откако го обезбедиле, тој бил однесен во полициска станица каде загубил свест по што бил транспортиран во болница каде лекарите констатирале смрт.
ВИДЕО+ФОТО I Хаос во Брисел: Насилни протести по смртта на млад човек со африканско потекло