ФОТО | Холивудскиот крем се гостеше на вечерата на Бајден за Макрон
Американскиот претседател Џо Бајден (80), во четвртокот, 1 декември, на црвениот тепих во Белата куќа, пречека бројни ѕвезди, законодавци, индустриски „титани“, сите кои имаа покана да присуствуваат на гламурозна вечера со францускиот претседател Емануел Макрон (44), пишува Ројтерс.
View this post on Instagram
Вечерата во Белата куќа беше крунски момент на општествените настани и начинот на Бајден да покаже колку го почитува најстариот сојузник на Америка, дури и кога тие се судираат околу проблемите предизвикани од војната во Украина, субвенциите за производите од САД, но и за други прашања.
Списокот на гости поканети на вечерата кај Бајден беше доста интересен. На листата се најдоа актерката Џенифер Гарнер и ќерката Вајолет, која ја доби со Бен Афлек, пејачот Џон Леџенд и сопругата Криси Тајген, уредничката на модниот магазин „Вог“ Ана Винтур, режисерот Баз Лурман и ѕвездата на серијата „Сајнфелд“ Џулија Луис-Драјфус.
Освен познати личности, на вечерата присуствуваа и членови на кабинетот на Бајден и, како што веќе споменавме, законодавци, индустриски магнати и секако првите дами Џил Бајден (71) и Брижит Макрон (69).
Пред вечерата, Бајден и неговата сопруга беа со францускиот претседател и првата дама на дипломатски средби. Но, ниту денот полн со обврски не ги спречи да блеснат на гламурозниот настан во Белата куќа.
И двајцата претседатели носеа свечени костуми, додека Џил Бајден блесна во фустан од познатиот бренд Оскар де ла Рента, а Брижит во креација на „Луј Витон“.
Макрон во Вашингтон ќе се обиде да го убеди Бајден околу економските тактики на САД
Макрон во Вашингтон ќе се обиде да го убеди Бајден околу економските тактики на САД