ФОТО: Хари Стајлс е првиот маж кој се појави на насловната страница на американскиот „Vogue“ облечен во фустан
Поранешниот член на групата „One Direction“, печајот Хари Стајлс (26) е првиот маж што се најде на насловната страница на американското издание на списанието „Vogue“.
Пејачот за оваа пригода беше дел од модниот едиторијал, облечен во фустан од модната куќа „Gucci“.
Хари призна дека сака да експериментира со облеката и изјави дека нема никаква бариера за тоа што го носи.
„Облеката е тука за човекот да се забавува и да експериментира… Има облека за мажи и има облека за жени. Кога еднаш ќе ја тргнете бариерата, очигледно се отвара арена во која можете да си играте“, изјави Стајлс, признавајќи дека нема проблем да носи фустани.
„Понекогаш одам во шопинг и едноставно се фаќам себеси како гледам женска облека. Мислам дека е неверојатна. Секогаш кога ќе поставите пречки во вашиот живот, вие само се ограничувате. Има толку радост во играта со облека“, изјави пејачот.