ФОТО | Хаос во Холандија по првиот „полициски час“ од Втората светска војна: Полицијата уапси најмалку 184 лица
Холандската полиција соопшти дека уапсила најмалку 184 лица за учество во нереди низ земјата какви што не се паметат во последните 40 години.
Најмалку 10 полицајци се повредени во синоќешните судири со демонстрантите кои пљачкаа продавници и палеа автомобили во повеќе градови меѓу кои Амстердам, Ротердам и Хаг.
Нередите почнаа во саботата навечер по првиот „полициски час“ што беше воведен во Холандија по Втората светска војна. Најголем број опд Холанѓаните ја почитуваат мерката што е на сила од 21 часот навечер до 4:30 часот наутро.
– Можеме да потврдиме апсења на најмалку 184 лица, изјави полицискиот портпарол, Шерло Есајас за агенцијата „Франс прес“.
Шефот на полицијата, Хенк ван Есен најостро ги осуди лицата што предизвикуваат нереди, истакнувајќи дека немирите „немаат никаква врска со правото на собири“.
Полициските синдикати наведоа дека безбедносните сили се соочуваат со најтешките нереди во последните четири децении, поточно од пресметката на полицијата и сквотерите кои беа исфрлувани од згради во кои нелегално живееја во 80-ите години од минатиот век.
Досега во Холандија починаа 13.500 лица од ковид-19.