ФОТО | Хајди Клум блесна на Билборд наградите во креација од македонскиот дизајнер Тони Матичевски
На вчерашните Музички награди Билборд, Хајди Клум под рака на нејзиниот сопруг Том Каулиц прошета на црвениот тепих во креација на австралискиот дизајнер со македонско потекло, Тони Матичевски.
Славните личности блескаа во „МГМ Гранд Гарден“ Арената во Лас Вегас, но Хајди Клум беше посебно убава во жолтиот фустан кој ги отсликуваше амазонските рамења и долгите нозе на моделот познат по прекарот „Телото“. Клум беше совршено стилизирана со елегантни црни ракавици и висосоки црни чизми.
Тони Матичевски е еден од најпознатите дизајнери во Австралија, а негови креации досега носеа Џенифер Лопез, принцезата Дина Абдулазиз, Бијонсе, Џејми Кинг, Пенелопе Круз, Ева Лонгорија, Кристен Стјуарт и многу други.
View this post on Instagram
Самиот има изјавено дека инспирацијата за своите креации ја црпи од своите корени и дека Балканот како поднебје е за жал многу затворен за нови и авангардни дизајнери. Тој живее и работи во Австралија и е светски етаблиран, а неговите креации се барани и во Холивуд.
ФОТО | Светско, а наше: Кристен Стјуарт облече креација на македонскиот дизајнер Тони Матичевски
ФОТО | Ева Лонгорија блеска во креација од дизајнерот со македонско потекло, Тони Матичевски