ФОТО: Гвинет Палтроу ужива во љубовта и не крие колку е посреќна во новиот брак
Поранешната холивудска актерка, денес претприемачка Гвинет Палтроу низ годините речиси никогаш не била забележана да разменува нежности со најблиските или партнерите во јавност.
Но, веројатно нешто се сменило во нејзините „принципи“. За време на една пријатна есенска прошетка низ Хемптонс, каде што има куќа со нејзиниот нов сопруг Бред Фалчук, 48-годишната Гвинет уживаше во добро друштво и едноставно се препушти на страстите.
Дежурното око на папараците ги забележаа бакнежите на вљубениот пар, а фотографиите за брзо го обиколија светот.
Двајцата облечени во опуштени и лежерни комбинации, покажаа дека не им е грижа за изгледот, туку за удобноста.
Прошетка низ парк, кафе за носење и живот без премногу стрес е малку од нештата кои ги уживаме во последно време, а очигледно истото го прават и познатите.
Инаку, Платроу е во брак со шармантниот 49-годишен Бред веќе две години, а тие се запознале кратко откако таа се раздели со првиот сопруг, пејачот Крис Мартин, со кој има две деца.
Мартин и Палтроу беа во брак 13 години и денес, според нивните изјави во медиумите тие сè уште се во многу хармонична и пријателска врска.
Поради своите деца, кои продолжија да ги одледуваат заедно, тие се однесуваат многу зрело и не им е проблем да ги поминат годишните одмори заедно.