Акцијата „Месец на хуманост – Гази Баба се грижи” одлично напредува веќе 20 дена. Со заеднички сили – граѓаните, градоначалникот Борис Георгиевски и вработените во Општината, културно-уметнички работници, функционери, бизнисмени, политичари преку своите донации не забораваат на лицата од ранливите категории.

Благодарение на посветеноста на хуманите луѓе, оштина Гази Баба преку акцијата „Месец на хуманост – Гази Баба се грижи”  до сега собра 665 кг храна, 40 кг облека, 175 кг хигиенски средства, 104 пакети пелени, детски играчки, постелнини, како и училишен прибор.

Во акцијата се влкучија голем број културно-уметнички работници, функционери, бизнисмени, политичари кои преку своите донации им помагаат на лицата од ранливите категории.

Во овој период акцијата ја поддржаа и министрите Љупчо Николовски, Радмила Шекеринска и Јагода Шахпаска, претседателката на Советот на град Скопје, Љубица Јанчева, директорот на Фонд за иновации и технолошки развој, Јован Деспотовски, учениците и наставниците од ООУ „Наум Охридски” од Булачани, Petrus Theunisz од Civica Mobitilas, пејачите Васил Гарванлиев, Даниел Дан и Александра Јанева, како и актерката Изабела Пан и спортистот Мартин Јованов.

Акцијата “Месец на хуманост – Гази Баба се грижи” ќе трае до 02 ноември, а сите заинтересирани граѓани можат да се приклучат на 4-те пунктови пред маркетите: Дим во Железара, Кит-Го во Автокоманда, КАМ во Маџари и Тинекс Годел, каде од 10 до 17 часот можат да донираат храна, средства за хигиена, облека, покуќнина за своите сограѓани на кои им е најпотребно.

Партнери во спроведувањето на акцијата се: Ајде Македонија, Вистински дела на љубезност,  Црвен крст – Гази Баба, Копче, Ретвитни oброк, Лице в лице, Пакомак, Суниленс, Нула отпад и Шепасти ентузијасти. Организациите – партнери во оваа акција, постојано се на терен и се грижат секоја донација да стигне онаму каде што е најпотребна.