ФОТО | Годините се само бројка: Ова се тајните на најубавите 50 годишни жени во Холивуд
Привлечноста нема датум на траење. Иако некои sвезди се благословени со добри гени, нивниот изглед се должи и на вложен труд. Ова се препораките и тајните на најубавите жени со возраст од 50 години па нагоре.
Џенифер Лопез, 52
View this post on Instagram
Пејачката и мајка на две деца инсистира дека нејзиното лице и тело се природни. Лопез е неспорно активна – нејзините настапи се состојат од танцување со часови и вежбање со повеќе тренери, вклучувајќи го гуруто за кардио танц, Трејси Андерсон. Џенифер не претерува со кафе и алкохол и се храни со протеини како говедско месо и лосос. Лопез, исто така конзумира додатоци во исхраната. А, исто така, внимава на здравјето на цревната флора и дигестијата.
Деми Мур 58
View this post on Instagram
Иако ги краси насловните страници на многу списанија, Деми Мур долго време се борела со самодовербата во телото. Во својот мемоар актерката прозборела за притисоците што го доживеала како млада актерка за да остане слаба. „Исфрлив јаглехидрати, трчав и возев велосипед и вежбав на секоја справа што може да се замисли“, напишала таа. Во 2019 година, Мур открила дека престанала да вежба четири години, пред повторно да го најде својот ритам дома преку виртуелна теретана со 15-минутни вежби кои не биле многу напорни, биле нежни за зглобовите додека го зајакнувле и вајале телото.
Хали Бери, 54
View this post on Instagram
Хали Бери вежбала со тренерот за славни личности Питер Ли Томас околу пет години. Тие ја лансирале платформата за здравје и фитнес, чиј успех е програма за вежбање на целото тело. „Не ви треба членство во теретана за да бидете здрави и фит“, рекла таа. Бери претпочитала да меша тежински тренинзи, кардио, јога и истегнување. „За мене беше важно да не го форсирам своето тело“.
„Со секоја деценија, се чувствувам сè повеќе како себеси“, рекла таа, истакнувајќи ја важноста на грижата за себе. „Важно е да го придвижувате вашето тело секој ден и да имате некаква телесна интеракција што ќе ве натера да се чувствувате живи, дури и ако тоа не е вежба. Ако медитирате, се движите во себе, го движите вашиот дух, ги движите енергиите во вашето тело. Ако читаш, тоа е движење. Тоа е вклучување на вашиот мозок и вклучување на фантазијата, патување во вашиот ум“.
Елизабет Харли, 56
View this post on Instagram
Харли вели дека го елиминирала грицкањето доцна во ноќта. „Јадете ја храната порано во текот на денот, за да имате повеќе време да ја сварите и вашето тело да може да мирува во периодот на спиење“, рекла таа, истакнувајќи го нејзиниот нетрадиционален начин на вежбање. „Не одам во теретана, но сум доста активна. Навистина не седам мирна и не легнувам на кауч“. Исто така рекла дека наутро пие голема чаша топла вода. „Има прилично одвратен вкус, но тоа е фантастично за вашиот дигестивен систем“.
Шерон Стоун, 63
View this post on Instagram
Актерката за себе рекла дека не „робува“ на диети, но внимава на здравата исхрана. „Не јадам преработена храна. Не пијам кофеин и многу ретко внесувам газиран сок или алкохол. Но, јадам месо и црно чоколадо. Ставам шеќер во чајот ако ми се присака. Имам целијачна болест, затоа не јадам глутен“. Шерон сакала домашни тренинзи со пилатес и секогаш претпочитала спонтана соло забава за да „танцува“ отколку монотоно тренирање на лента за трчање. Стоун додала за својата филозофија за убавина: „Повеќе се работи за вистинска внатрешна убавина. Важно е да имате филозофија или начин на живот или вера што ве одржува балансирани“.
Извор: „NY Post“