ФОТО | Герасимовски: Финансиска поддршка за здруженијата за стерилизација и кастрација на бездомните животни

Горан Герасимовски
Горан Герасимовски на средба со здруженијата „Шепасти ентузијасти“, „Кане Корзо надеж“ и „Поддршка од Дејзи Фемили“ / Фото: СДСМ

Кандидатот за градоначалник на Општина Центар од СДСМ и Коалицијата, Горан Герасимовски денеска оствари средба со здруженијата „Шепасти ентузијасти“, „Кане Корзо надеж“ и „Поддршка од Дејзи Фемили“, на која најави финансиска поддршка за здруженијата, за стерилизација или кастрација на бездомните животни на територија на општината.

– Општината во следниот период ќе посвети сериозно внимание на поставување нови паркови за миленици, но и одржување на постоечките. Исто така, на повеќе локации низ општината ќе бидат поставени обележани корпи за отпадоци наменети за домашни миленици покрај кои ќе има и кесички со цел одржување подобра јавна хигиена на општината, се вели во соопштението.

Ова се спроведува сѐ со цел улиците, парковите, јавните пешачки патеки, затворените места и специјализираните паркови за забава на миленици да останат чисти.

Фото: СДСМ

Извор: МИА

Видео на денот