ФОТО: Фон дер Лајен пристигна во Скопје, Димитров вели потребен е исчекор за враќање на довербата

Никола Димитров и Урсула фондер Лајен на скопскиот аеродром / Фото: Фејсбук

Претседателката на Европската комисија (ЕК), Урсула фон дер Лајен, попладнево пристигна во Скопје. На скопскиот аеродром ја пречека вицепремиерот за европски прашања, Никола Димитров.

„Посетата е силен сигнал за потребата од дејствување и исполнување на европското верување: почеток на преговорите. Исчекор ни е повеќе од потребен за да ја вратиме вербата и надежта на младите луѓе во европската идеја и перспективата за европски начин на живот дома“, напиша Димитров на социјалните мрежи по пристигнувањето на фон дер Лајен.

Лајен во Северна Македонија пристигна од Албанија, каде рече дека нејзината порака е јасна оти иднината на Албанија е во ЕУ.

На платото пред Владата таа ќе биде пречекана од премиерот Зоран Заев, по што ќе одржат средба на која ќе присуствуваат и Димитров и министерот за надворешни работи Бујар Османи. Заев и Фон дер Лајен ќе одржат заедничка прес-конференција во кино „Фросина“ во МКЦ, кое е реновирано со средства од ЕУ.

Подоцна Фон дер Лајен ќе се сретне и со претседателот Стево Пендаровски, а ќе присуствува и на вечерата што ќе ја приреди шефот на државата, во присуство на претседателот на Собранието Талат Џафери и други високи претставници.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот