ФОТО | Физичар за фотографија од колбас напиша дека е ѕвезда до Сонцето, па мораше се извини

Етјен Клајн/Фото: Принтскрин/Commons Wikimedia/Твитер

Францускиот физичар Етјен Клајн се извини откако призна дека фотографијата од ѕвездата Proxima Centauri, која ја објави на својот Твитер пред неколку дена е, всушност, фотографија од парче колбас.

„Фотографија на Proxima Centauri, најблиската ѕвезда до Сонцето, која од нас е оддалечена 4,2 светлосни години“, напиша тогаш Клајн заедно со фотографија од ѕвезда, односно колбас. Тој додаде дека фотографијата е направена од телескопот „Џејмс Веб“ на НАСА, а го пофали и нивото на детали што може да се видат.

„Ден по ден се открива нов свет“, заклучил физичарот.


Луѓето на Твитер главно сфатија дека во прашање е шега, но шегата не им се допадна на сите.

„Со оглед на тоа што сте научник и истражувач и знаете колку брзо се шират лажните информации, несоодветно е да споделувате вакви работи без веднаш да посочите дека се лажни“, напишал еден корисник.

Поттикнат од коментарите и прозивките, Клајн се извини.

„Со оглед на некои од коментарите, се чувствувам должен да објаснам дека твитот кој прикажува наводна слика на Proxima Centauri беше форма на забава. Да научиме да бидеме претпазливи кон аргументите на авторитетот, како и кон спонтаната елоквентност на одредени слики “, напиша физичарот.

Со шеговит тон додал дека, според современата космологија, ниту една работа што постои во месарниците не постои никаде освен на Земјата.

Фасцинантна глетка: Телескопот Џејмс Веб со нова детална слика од исклучително необична галаксија

Прва слика од вселенскиот телескоп „Веб“: Гледаме можности кои никој претходно не ги видел

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот