Британската актерка Елизабет Харли иако имаше незгода на снимање филм, тоа воопшто не ја загрижува пред камерите – секогаш насмеано позира, а така беше и во овој случај.

Парараците ја фотографираа Елизабет на улиците во Лондон првпат откако имаше незгода на Кариби. Таа беше „начекана“ по ручек во еден познат ресторан, а на фотографиите се гледа дека носи медицинска чизма и неочекувано масивен леопард капут.

Елизабет го повреди својот зглоб додека беше на снимање на филм на Карибите, а потоа и беше ставена медицинска чизма за да ѝ  се фиксира зглобот. Атрактивната бринета иако доживеа незгода, насмеано им позираше на папараците како ништо да не било. Таа носи длабоки црни патики овој пат, иако е позната дека обожава високи потпетици.

Целосниот стајлинг е дополнет со чанта од Гучи и огромни кафеави наочари.

Елизабет Харли е една од најпознатите британски актерки, а 13 години беше во брак со Хју Грант, со кого се разведе откако дозна дека тој имал афера со проститутка. Мајка е на синот Демиан, кој има 20 години.