Центарот Кенеди објави нова класа лауреати. Актерот, режисер, продуцент и активист за човекови права Џорџ Клуни, револуционерната композиторка и диригентка Тања Леон, современата христијанска пејачка Ејми Грант, поп-дивата Гледис Најт и легендарниот ирски бенд „Ју-Ту“  беа почестени на церемонијата во Вашингтон.

Центарот секоја година почестува личности за нивните уметнички влијанија врз американската култура. Предвидено е да присуствуваат претседателот Џо Бајден, потпретседателката Камала Харис и нивните сопружници.

По овој повод американската актерка Џулија Робертс решила да му оддаде почит на својот колега Џорџ Клуни со своето најново модно издание, а на необичниот фустан што го носела бел дизајниран со бројни портрети во рамка од познатиот актер.

Холивудската ѕвезда гостувала на 45-тото доделување почести на Кенеди Центарот во Вашингтон, а нејзината облека била во центарот на вниманието за време на нејзиното појавување на црвениот тепих.

Робертс носела кратка црна јакна, а под неа долг црн фустан од „Moschino“ покриен со фотографии од Џорџ Клуни. По влегувањето на церемонијата, 55-годишната актерка се пресоблекла во едноставен црн костум.

Џорџ беше меѓу наградените на церемонијата, а својата поддршка ја покажаа и другите колеги како Мет Дејмон.

Клуни и Робертс соработуваа неколку пати во текот на годините, а во октомври нивниот заеднички филм „Ticket to Paradise“ се појави во кината. Покрај деловната соработка, дуото во неколку наврати низ годините потенцираше дека се добри пријатели.