Џенифер Лопез блесна на црвениот тепих за премиерата на филмот „Незапирливо“ (Unstoppable) во Торонто, во кој има споредна улога. Забележливо беше отсуството на нејзиниот поранешен сопруг, актерот Бен Афлек кој е копродуцент на овој филм. Можната причина лежи во тоа што сакал да ја избегне средбата со Џенифер и медиумското внимание.

Иако минуваат низ бурен развод, Лопез на филмскиот фестивал во Торонто пристигна насмеана и расположена. Таа им позираше на фотографите во провокативен блескав фустан кој наликува на диско топка, а под кој не носеше долна облека.

Но, она што најмногу привлече внимание е средбата на Џенифер со најдобриот пријател на Афлек, актерот Мет Дејмон. Имено, на забавата на фестивалот во Торонто, Џенифер беше видена како седи со Мет, држејќи се за рака додека разговараа.

„Џен и Мет започнаа разговор кој потоа се претвори во нешто долгo и длабокo“, изјавил извор за „Пипл“, додавајќи дека имало смеа, како и држење за рака во моменти кога тонот на разговорот станал сериозен.

Инаку, ова е нејзино прво големо појавување откако поднесе барање за развод од Бен Афлек на 20 август, по 2 години брак.

Jennifer Lopez holds Matt Damon’s hand as they have a serious conversation at Toronto Film Festival 👀 pic.twitter.com/4UKjJypHAR

— JLo Updates (@lopez_updates) September 8, 2024

ФОТО | Џенифер Лопез му испрати порака на Бен Афлек со заводливи фотографии