ФОТО: Див паркинг пред Управата за матичните книги, јавниот простор недостапен за граѓаните
Просторот позади зградата на македонскиот Уставниот суд во центарот на градот, поточно пред влезот на Управата за водење на матични книги е претворен во див паркинг и покрај обезбедувањето на институциите.
Владее хаос од автомобили паркирани буквално пред влезот на двете институции а на тротоарот се паркирани автомобили некаде и во два реда.
Пешаците се присилени да се движат по заобиколен пат изложувајќи се на опасност да се повредат. Тие се револтирани од ваквото дивеење и велат дека „пајакот” штом поминува и се прави дека не ја забележува ваквата состојба, веројатно паркираните автомобили се на некои од вработените и директорите.
За да биде иронијата поголема, од спротива на овој див паркинг пред Камениот мост од страната на Старата скопска чаршија пристапниот дел од улицата денеска е блокиран поради снимање на турска серија, па денеска граѓаните беа принудени да заобиколуваат и кружат непотребно за да дојдат до својата дестинација.
До кога градските власти и пајак службата ќе го толерираат непрописното паркирање во централното градско подрачје како нормално а граѓаните ќе бидат приморани да ги прескокнуваат автомобилите за да влезат во институциите останува да видиме.