Хрватскиот фудбалски шампион Динамо Загреб му подари врамен дрес со бројот „100“ на одбранбениот репрезентативец на Македонија, Стефан Ристовски.

Пред почетокот на натпреварот против Шибеник, нашиот дефанзивен го доби специјалниот подарок од поранешниот играч на клубот, Миливој Брачун.

Ристовски беше стартер на овој дуел (настапи до 81 минута) кој го доби Динамо со убедливи 4:0 со головите на Петковиќ, Иванушец, Батурина и Бочкај.

До крајот на сезоната во хрватскиот шампион Динамо има уште два меча, на гости против Риека и дома против Горица.

Ристовски сезонава до сега во првенството запиша четири голови и две асистенции во 27 настапи.

Club 💯💪🏻💙🦁
Prije početka utakmice sa Šibenikom, Stefan Ristovski primio je dres s brojem 100 koji mu je predao nekadašnji igrač Dinama, Milivoj Bračun 👏🏻#dinamozagreb pic.twitter.com/IwQU4Fkc8t

— GNK Dinamo (@gnkdinamo) May 14, 2023