ФОТО: Џонсон му поклони фотографија на Бајден, а тој му возврати со велосипед и кацига
Британскиот премиер Борис Џонсон му поклони врамена фотографија од британски мурал на кој е прикажан афроамериканскиот Аболиционист Фредерик Даглас, соопштија од кабинетот на британскиот премиер.
Бајден на тоа возврати со велосипед од американско производство и кацига за Џонсон, и шал и торба за неговата сопруга Кери, пренесува Ројтерс.
Велосипедот го изработил Стивен Биленки, познат произведувач од Филаделфија, кој рекол дека бил контактиран од Стејт департментот со барање велосипедот да биде обоен во црвена, бела и плава боја, наведува Тајмс.
„Ова е модерна верзија на британскиот велосипед со рачно офарбано британско знаме и кацига, додава Биленки.
Pictures of the “Boris Bike” and helmet from Philadelphia-based @bilenkycycles that Biden gave UK’s Boris Johnson, who was the 1st foreign leader he met with on his 1st overseas trip as president. pic.twitter.com/indVyn6JuS
— Jennifer Jacobs (@JenniferJJacobs) June 11, 2021
Велосипедот бил направен од компанијата „Биленки сајкл воркс“, основана во 1983 година и специјализирана за изработка на челични и титаниумски велосипеди.
Даглас побегнал од ропството во САД, станал аболиционистички лидер кој ја поминал Британија и Ирска, од каде поттекнуваат предците на Бајден.
Бајден го цитираше Даглас во говорот од 2020 година во време кога САД се соочуваа со прашања за современа и историска расна неправда поттикната со демонстрации, кои исто така се проширија и во Велика Британија.
Boris Johnson gives Joe Biden gifts at G7 summit in Cornwall
US and UK leaders traditionally exchange gifts when they meet in person and Mr Johnson gave Mr Biden a framed photograph of a mural of Frederick Douglass.
https://t.co/90bhhMYjPa— FreedomExpressed 🌊🇬🇧🇺🇸 (@iPicNews) June 11, 2021
Првата дама на САД, Џил Бајден доби прво издание од „Дрвото на јаболката“ – збирка кратки приказни од британската авторка Дафне ди Мориер.
