ФОТО | Џеј Ло се вратила дома, а Бен Афлек уловен во коцкарница: Нема да поверувате со кого
Актерот Бен Афлек (48) бил забележан во казино во Лас Вегас без старо-новата љубов Џенифер Лопез (51). Наместо Џенифер, со него во друштво била нејзината мајка Гвадалупе Родригез (75).
Познато е дека Бен и Гвадалупе делат заедничка љубов кон коцкањето, а наводно и порано често оделе заедно во казина.
Како што пишуваат американските медиуми, таа разговарала со Бен за нејзината ќерка затоа што тој ја изневерувал додека биле свршени. Бен ѝ ветил дека никогаш повеќе нема да ја повреди Џенифер.
– Таа отсекогаш го сакала Бен и го натера да ѝ вети дека повеќе нема да ѝ го скрши срцето на нејзината ќерка – рекол извор за „Стар“.
Неговиот престој во казиното изненади многумина бидејќи пред неколку години тој призна дека е зависник од коцкање, што беше и причината за разводот од неговата поранешна сопруга, актерката Џенифер Гарнер, со која има три деца.
– Луѓето со компулсивно однесување, на кое и самиот им припаѓам, цело време имаат некаква основна непријатност којашто се обидуваат да ја отстранат и да се чувствуваат подобро, па често излезот го бараат во јадењето, пиењето, сексот, коцкањето или шопингот. Но, сето тоа ви го прави животот уште полош. Тогаш правите сè што е во вашата моќ да ја отстраните таа непријатност, а тогаш започнува вистинската болка. Почнувате да се наоѓате во еден маѓепсан круг што не можете да го прекинете – изјавил тогаш славниот актер.