ФОТО: Деми Ловато „воспоставила“ контакт со вонземјани
Кој е најдобар начин да се надмине фазата на пост-раскинување? Да се поминува време на отворено? Да се создаваат нови пријателства, кои живеат на друга планета?
Последната објава на Инстаграм профилот на пејачкатаДеми Ловато која неодамна јавно се раздели со нејзиниот вереник, актерот Макс Ехрих, повторно ја шокираше јавноста со изјавата дека видела НЛО и воспоставила контакт со вонземјани.
Ловато на својот Инстаграм профил сподели неколку фотографии од мистериозни објекти што ги забележала при посета на Националниот парк „Joshua Tree“.
Деми била во друштво на неколку пријатели и д-р Стивен Грир, кој на социјалните мрежи е познат како „еден од најистакнатите авторитети на тема НЛО, разузнавање на вонземска интелигенција и започнување мирен контакт со вонземски цивилизации“.
„Во текот на изминатите неколку месеци, длабоко навлегов во науката за свеста и не само што доживеав мир и спокојство како никогаш до сега, туку и бев сведок на најневеројатните глетки на небото. Oваа планета е на многу негативен пат кон уништување, но НИЕ заедно можеме да го промениме тоа“, напиша Ловато.
„Кога би натерале 1% од населението да медитира и да воспостави контакт, би ги принудиле нашите влади да ја признаат вистината за вонземскиот живот и да ги сменат нашите деструктивни навики уништувајќи ја нашата планета“, додава таа.
Сепак, Деми им порача на своите обожаватели да „не ја фаќаат за збор“. Наместо тоа, ги охрабри да ја симнат апликацијата на д-р Грит „CE5“ за да се обидат да остварат контакт.
„Ќе ве научи на протоколите да се поврзете со живот надвор од нашата планета!“, порача пејачката, и додаде дека може да бидат потребни „неколку сесии за да се влезе во доволно длабоко ниво на медитација за да се оствари контакт“.
Многу од коментарите беа скептични, веројатно заради тоа што разговор со вонземјани не изгледа како најчудната работа што ќе ни се случи во 2020 година.