ФОТО | Дал 700.000 евра за лага: Италијански одбојкар 13 години мислел дека е во врска со ангелот на „Викторијас сикрет“

Фото: Принтскрин/Инстаграм

Италијанскиот одбојкар Роберто Кацанига (42), со години мислел дека е во врска со бразилската манекенка Алесандра Амбросио (40), еден од најпознатите ангели на „Викторијас сикрет“.

Кацанига со години ѝ праќал пари на жената за која мислел дека е бразилската манекенка Алесандра Амбросио, а на крајот се испоставило дека се допишувал со 50-годишна жена од Сардинија која никогаш не ја запознал. Поточно, тој верувал во ова во последните 13 години. За сето тоа да биде уште поневеројатно, тие никогаш не се запознале, а на неа потрошил дури 700.000 евра. Подоцна се покажало дека зад Алесандра всушност стои 50-годишна Маја, пренесува „Мирор“.

Роберто во претходните 13 години на жената за која мислел дека е Александра Амбросио ѝ пратил 700.000 евра.


Како што признал самиот Роберто, сѐ запчнало кога негов пријател му дал број кој наводно ѝ припаѓал на жената која сакала да го запознае. Потоа му признала дека името било псевдоним и дека таа всушност не е Алесандра.

„Не, никогаш не се видовме. Секогаш имаше илјадници изговори, како болест или работа. Но, јас сепак се вљубив во тој глас, и така повик по повик… Контактиравме преку мобилен телефон, речиси секојдневно“, рекол Роберто за „Corriera della Sera“.

Роберто за италијанските медиуми открил и дека парите ги позајмувал од роднини, семејство, пријатели, а како причина поради која никогаш не се запознале бил наведен нејзиниот густ распоред и срцевите проблеми.

Подоцна се открило дека зад измамата стоеле три лица, а италијанскиот весник известил дека неговите соиграчи го опишале како интровертен и наивен и дека всушност тие се посомневале во измамата и го пријавиле случајот во полиција, која спровела истрага.

Инаку, Алесандра во моментот е во врска со манекенот Ричард Лијем.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот