ФОТО: Членовите на Централниот и Извршниот одбор на СДСМ се собраа во партиското седиште
Членовите на Централниот одбор на Социјалдемократскиот сојуз пристигнаа во партиското седиште на „Бихаќка“, каде вечерва ќе заседаваат. Закажана е и седница на Извршниот одбор на партијата.
Теми на седниците ќе бидат актуелните политички случувања во земјата, изборните резултати, како и најавената оставка на премиерот и лидер на СДСМ, Зоран Заев.
Во седиштето на партијата меѓу првите пристигнаa Оливер Спасовски и Фатмир Битиќи. Спасовски посочи дека ќе се разговара за сите аспекти кои што се во делот на актуелната политичка ситуација.
Во новинарско прашање околу тоа дали смета дека премиерот Заев треба да поднесе оставка, Спасовски истакна дека тоа ќе го каже на Централниот одбор.
Претходните денови СДСМ извести дека водат секојдневни консултации и работни средби со коалиционите партнери на парламентарното мнозинство и во рамките на највисокото раководство на партијата.