ФОТО: Чесите им оддадоа почит на починатите од ковид – запалени 30.000 свеќи во замокот во Прага
Претседателскиот замок Храдчани во Прага вечерва го осветлија 30.000 свеќи, симболично по една за секоја жртва од пандемијата на ковид-10 во Чешка, а првата ја запали чешкиот претседател Милош Земан.
„Морам да кажам дека за смртта на некои од нив сме одговорни ние самите поради нашата рамнодушност, лекомисленост и пред се поради тоа што му потклекнавме на искушението за прераното попуштање на мерките и поради тоа епидемијата не се врати во неколку бранови“, рече Земан, оддавајќи им почит на жртвите од коронавирус.
Милош Земан изрази надеж дека пандемијата во Чешка ќе исчезне најдоцна во септември годинава и тоа благодарение на масовната кампања за вакцинација.
„Ќе се сеќаваме на пандемијата како на страшен сон“, рече Земан.
На палењето свеќи на Храдчани од сите капии на замокот до централното место каде граѓаните можат за запалат свеќи дојдоа неколку стотици граѓани на Прага, а местото ќе биде отворено до полноќ до кога ќе горат свеќите.
На социјалните мрежи предизвика критики поставувањето на свеќите во проѕирни пластични пивски чаши, на што портпаролот на претседателската канцеларија Вит Новак возврати дека свеќите не можело да се постават без нив поради ветерот, а и за тоа чашата да го задржи растопениот восок.
Во Чешка од почетокот на пандемијата од ковид-19 заклучно со неделата починаа 29.711 луѓе и земјата со 10,7 милиони жители во првите три месеци од годинава се држеше на прво или на второ место од земјите во Европа со најмногу починати на милион жители.
Сега веќе спаслува третиот бран од пандемиајта и после локдаунот, помалку или повеќе строг од 28 декември, Чесите денеска конечко дочекаа да ги отворат продавниците, музеите и галериите, а и основците се вратија во училиштата, а владата исто така денеска одлучи и за ново попуштање на санитарните мерки од 17. мај.
Извор: Бета