ФОТО: Брегалница со зимски подготовки, договорени и пријателски натпревари

Фото: fkbregalnica.mk

Шефот на стручниот штаб, Марјан Секуловски денеска реализирајќи ја првата прозивка означи и официјален старт на подготовките на Брегалница за пролетниот дел од сезоната во Втората лига – Исток.

Во однос на есенскиот дел, единствено е прекинат договорот со Сашо Шоповски, додека сите останатите фудбалери се на располагање на стручниот штаб.

Утврден е планот и за подготовките на тимот до стартот на вториот дел од шампионатот закажан за 27. февруари. Првата фаза од подготовките фудбалерите на Брегалница ќе ја одработат во Штип, а од 3. до 14. февруари ќе бидат финалните подготовки во Дојран.

Фото: fkbregalnica.mk
Фото: fkbregalnica.mk

Веќе се договорени шест пријателски средби. Се почнува на 23. јануари со дуелот против Кит Го, потоа на 30. јануари е пресметката со Осогово, на 3. февруари дуелот со Борец, на 6. февруари против Беласица, за 13. февруари пресметката со Кожуф, а генералката ќе биде на 20. февруари против лидерот во Втората лига – Запад, екипата на Скопје.

Првиот натпревар од пролетната сезона во Втората лига – Исток, Брегалница го игра на 27. февруари против прилепска Победа на домашен терен. Во првиот дел од сезоната покажа штипската екипа дека е сериозен кандидат за враќање во Првата лига, моментно е на првото место со 42 бодови, седум повеќе од второпласираниот Тиквеш.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот