ФОТО | Бер Грилс ќе снима емисија за борбата на Украинците, Зеленски му се заблагодари
Познатиот британски ТВ-авантурист Бер Грилс го посети главниот град на Украина, Киев, каде се сретна со претседателот Володимир Зеленски.
„Оваа недела ја имав привилегијата да отпатувам за Киев и да поминам време со претседателот Зеленски… Искуството со украинската метропола за време на војната е неспоредливо со сѐ што доживеав досега“, напиша водителот на Твитер.
Британецот вели дека сакал само да праша – како претседателот всушност се снашол со сѐ тоа?
„Добив многу повеќе. Шоуто доаѓа наскоро… Преживувањето на милиони луѓе е вистинска секојдневна борба во земја која влегува во зима, а нејзината инфраструктура е нападната. Преку ова специјално шоу, светот ќе ја види страната на претседателот Зеленски којашто никогаш досега не била прикажана“, нагласи Бер Грилс.
This week I had the privilege to travel to Ukraine’s capital, Kyiv, and spend time with President Zelensky. It has been an experience for me like no other.
— Bear Grylls (@BearGrylls) December 1, 2022
Тој, исто така, му се заблагодари на Зеленски за неговото гостопримство во тие тешки времиња и му порача да остане силен.
Од друга страна, пак, украинскиот претседател му се заблагодари за посетата со објава на Фејсбук.
„Важно е светот да ја слушне вистината за борбата на Украинците за нивната слобода и демократија, за ракетниот терор на агресорот врз нашиот народ“, напиша Зеленски.