ФОТО | Бела Хадид со инфузија во раката додека е на фризер: Лајмската болест не прашува за време
Иако нејзините фотографии, кои ги објавува на социјалните мрежи, во повеќето случаи предизвикуваат завист кај младите девојки ширум светот, 24-годишната Бела Хадид сега откри дека не е сè идеално во нејзиниот живот, бидејќи се бори против автоимуна болест.
View this post on Instagram
На својот инстаграм – профил, таа објави фотографија направена во соблекувалната, додека фризерката и ја средува косата. На фотографијата што ја објави, светски познатата манекенка добива инфузија додека е на фризер. Инаку, во 2012 година на Бела Хадид, но и на нејзиниот три години помлад брат Енвар Хадид и нивната мајка Јоланда Хадид им е дијагностицирана Лајмска болест.
View this post on Instagram
Тоа е заразна болест предизвикана од бактеријата Борелија бургдорфери, која се пренесува со заразени крлежи и може да доведе до хронична, мултисистемска болест која може да влијае на кој било орган и да доведе до бројни здравствени компликации. Лајмската болест се нарекува и „голем имитатор“, бидејќи нејзините симптоми многу често личат на симптомите на други болести.