ФОТО: Барди со Кејн и Левандовски во идеалниот тим на мундијалските квалификации
Македонската А репрезентација за првпат во нејзината историја ќе игра бараж за пласман на Светското првенство, односно ја делат само уште две победи до остварување на целта.
На 26 ноември ќе се дознае противникот во полуфиналето, а можни ривали ни се Португалија, Италија, Русија, Шведска, Шкотска и Велс.
По завршувањето на мундијалските квалификации во изборот на веб порталот „Whoscored“ објавен е идеалниот тим од 11 најдобри играчи.
Во истиот се наоѓа Енис Барди, играчот на Леванте кој доби оценка 7,82 во формацијата 4-4-2.
На голманската позиција Б. Бухел (Лихтенштајн), во одбраната Ж. Кансело (Португалија), В. Ван Дајк (Холандија) и Ј. Меле (Данска).
🇪🇺 European World Cup Qualifying Best XI pic.twitter.com/Ip2Ed2wu89
— WhoScored.com (@WhoScored) November 17, 2021
Во средниот ред Е. Барди (Македонија), С.Бергејс (Холандија), Д. Тадиќ (Србија) и М. Депај (Холандија), а во нападот Х. Кејн (Англија) и Р. Левандовски (Полска).
Барди го заврши овој квалификациски циклус со четири постигнати голови, еден против Лихтенштајн и три во Ереван против Ерменија.