ФОТО: Барак Обама тагува: Тежок ден за нас, многу ќе ни недостасува
Поранешниот американски претседател Барак Обама објави тажна вест на Твитер. Умрел нивниот миленик, кучето Бо, кој имал 12 години.
„Нашето семејство изгуби вистински пријател и верен придружник. Повеќе од една деценија, Бо беше постојана, нежна присутност во нашите животи. Тој беше среќен што нè гледа во нашите добри денови, во лошите и во оние меѓу нив“, напишал Обама покрај фотографијата со кучето.
„Го толерираше целиот метеж што настана со престојувањето во Белата куќа. Силно лаеше, но не гризеше. Сакаше да скока во базен, беше мирен во друштво на деца, живееше за остатоци од масата и тој имаше блескаво влакно. Беше токму она што ни требаше и повеќе отколку што некогаш очекувавме. Многу ќе ни недостасува“, додал Барак.
Поранешната прва дама на САД Мишел Обама откри колку болен бил Бо.
View this post on Instagram
„Ова беше тежок ден за нашето семејство. Се збогувавме со нашиот најдобар пријател Бо, кој се бореше со рак. Благодарни сме за љубовта што му ја покажувавте низ годините“, напишала Мишел.
Семејството Обама го доби Бо неколку месеци откако се преселија во Белата куќа. Барак им ветил на своите ќерки дека ќе им набави куче ако му помогнат во кампањата и го одржал тоа ветување.
Today our family lost a true friend and loyal companion. For more than a decade, Bo was a constant, gentle presence in our lives—happy to see us on our good days, our bad days, and everyday in between. pic.twitter.com/qKMNojiu9V
— Barack Obama (@BarackObama) May 8, 2021