ФОТО | Атиџе Муратова направи корекција на забите: Хероината од „Медена Земја“ освојува со нејзината насмевка
За искреното пријателство на хероината од филмот „Медена Земја“, Атиџе Муратова и нашата позната пејачка, водителка и писателка Сузана Турунџиева пишувавме многупати.
Нивното пријателство не беше спречено ниту од пандемијата на коронавирусот. Двете дами го користеа секој момент да го поминат заедно, а секое нивно дружење да го збогатат со многу музика.
View this post on Instagram
Неодамна двете дами го остварија долго најавуваниот дует „Од Бекирлија до Битола“, а притоа беше промовиран и видеоспот за оваа композиција, која е најава за нивниот прв заеднички албум „Иста судбина“.
За потребите на спотот Атиџе ги изненади своите бројни обожаватели и со нов изглед, прекрасна фризура, шминка и стајлинг, а нејзината широка насмевка неодамна заблеска повеќе од кога било.
View this post on Instagram
Благодарение на Сузана, насмевката на Атиџе ќе биде здрава и блескава. Хероината од документариот филм „Медена земја“ направи естетска корекција на забите.
Во описот на фотографија на која Атиџе гордо ја покажува насмевката покрај докторката во стоматолошката ординација Сузана напиша:
– Не постојат случајни насмевки.. Постојат само насмевки за кои се заслужни добрите стоматолози, стои во објавата на инстаграм – профилот на Турунџиева.