ФОТО | Адел како дива од стариот Холивуд на црвениот тепих: Ама обожавателите не ѝ го забораваат Лас Вегас
Адел беше најголемата ѕвезда на овогодинешното доделување на Британските музички награди, а тоа го потврди и со изборот на фустан кој токму за неа го создаде познатиот моден креатор Џорџо Армани.
ГАЛЕРИЈА | Доделени годинашните Британски музички награди, Адел повторно доминираше
Музичката дива која неодамна го промовираше својот актуелен албум „30“ синоќа триумфираше, освојувајќи три статуетки во категориите за најдобар британски сингл, британски албум на годината и изведувач на годината по избор.
Пејачката несомнено била инспирирана од дивите од стариот Холивуд, таа прошета на црвениот тепих во Лондон во црн фустан со интересниот дизајн на јаката.
Длабокото деколте беше нагласено со драматичен детаљ со проѕирниот тул со точки, кој продолжува на грбот, создавајќи погламурозен изглед.
За незаборавното издание на Аде се погрижи познатиот стилист Џејми Мизрахи, додека за креацијата се погрижи легендарниот италијански дизајнер Џорџо Армани.
Прекрасниот и елегантен фустан со потписот „Armani Prive“ пејачката го надополнила со заводлива шминка и внимателно стилизирана фризура, која Адел ја збогатила со дијамантски обетки.
Ѕвездата излезе на сцената во лондонската О2 Арена и ја изведе „I Drink Wine“, песна од нејзиниот последен албум.
ВИДЕО | Адел низ солзи ги откажа настапите поради ковид: Многу сум вознемирена
Нејзиното појавување на Британските музички награди предизвика дополнителни негативни коментари од нејзините обожаватели поради тоа ги откажа нејзините настапи во Лас Вегас, само 24 часа пред првиот концерт.
„Се прашувам дали го прикажуваат овој настап на Adele во Лас Вегас? Прерано?“, „Ќе настапиш во Вегас сега? Бендот изгледа сосема во ред за Британските музички награди!“, „Значи, Адел ги откажа нејзините концерти во Вегас, но може да настапи пред Британците каде што освои награди и во основа е главна во шоуто“, „Како можеше да го откаже Вегас, а потоа да се појави и да настапи на Британските музички награди“, се дел од коментарите на социјалните мрежи.