Македонската ракометна репрезентација имаше одлична ждрепка за групната фаза на Европското првенство 2020 година кое ќе се одржи во три земји, Австрија, Шведска и Норвешка. Македонија ќе игра во групата Б заедно со еден од домаќините, Австрија и уште и Чешка и Украина.
Натпреварите од групата Б ќе се играат во Виена.

Реално гледано, ракометарите ги посака среќата, ги добија релативно најслабите противници од барабаните. Носител на групата е Чешка, што е најдобриот можен избор бидејќи во првиот квалитативен барабан беа уште и велесили како Франција, Данска, Шведска, Хрватска, Шпанија.

Една од најинтересните групи е групата А која ќе се огра во Грац и во неа се наоѓаат три балкански репрезентации, Хрватска, Црна Гора и Србија, а четвртата селекција е Белорусија,. Најтешка група или група на „смртта“ е групата Е во која се Данска, Унгарија, Исланд и Русија.

ЕП 2020 започнува на 9 јануари и ќе се одржува во Австрија, Шведска и Норвешка. За прв пат на европските првенства ќе настапат 24 репрезентации па поради тоа, пласман во наредната фаза ќе обезбедат само двете најдобропласирани репрезентации од секоја група.

ГРУПА А (Грац): Хрватска, Белорусија, Црна Гора, Србија
ГРУПА Б (Виена): Чешка, МАКЕДОНИЈА, Австрија, Украина
ГРУПА Ц (Трондхајм): Шпанија, Германија, Летонија, Холандија
ГРУПА Д (Трондхајм): Франција, Норвешка, Португалија, БиХ
ГРУПА Е (Малме): Данска, Унгарија, Исланд, Русија
ГРУПА ЕФ (Гетеборг): Шведска, Словенија, Швајцарија, Полска