Формула 1 возачите се вклучуват во борбата против расизмот
Возачите пред стартот на новата сезона ќе разговараат за начините на кои ќе дадат поддршка во борбата против расизмот.
Како еден од предлозите е сите возачи во пресрет на првата трка во Австрија да клекнат како знак на поддршка на движењето против расизмот „Black Liver Matter“
– Некои од возачите веќе зборуваат за тоа. Доколку го направиме тиа треба да го направиме како група сите заедно. За тоа ќе разговараме на брифингот за Здружението на возачите во петок – изјави возачот на Мекларен, Ландо Норис.
Движењето „Black Lives Matter“ го поддржаа фудбалерите во Германија, Италија и Англија и сите тие заедно со судиите и тренерите пред секој натпревари клекнуваат на едно колено на теренот.
– Ќе сториме се за да покажеме дека се грижиме и го почитуваме секого. Ќе го направиме тоа што е исправно и кога ќе дојде време – рече Норис кој откри дека исто како и шампионот Луис Хамилтон на својот болид ќе има испишано порака „Да го запреме расизмот“.
– Сакам да бидам подобар од останатите возачи, но на сите треба да им се пружи еднаква шанса и да се третираат идентично. Не е фер поинакво да се однесувате кон луѓето поради нивната боја на кожата. Спортот го следам милиони фанови, а сите ние заедно како возачи, екипи и спорт што повеќе направиме ќе имаме поголемо влијание – додаде Норис.
Сезоната во Формула 1 шампионатот стартува наредниот викенд со трката за Големата награда на Австрија на која нема да присуствуваат навивачи.