Компанијата ќе реогранизира одредени фабрики со цел да се фокусира на својата идна линија за автономни и електрични автомобили.

Новиот објект за производство на автономни возила, која би требало да почне со работа за речиси две години, е дел од инвестицијата вредна 900 милиони долари која „Ford“ ја најави уште во 2017 година со цел да го реструктуира своето производство во Мичиген, пренесува „CNBC“.

Се очекува преку најновата инвестиција да бидат отворени 900 нови работни места до 2023 година.

Њујоршката агенција „Bloomberg“ пренесува дека „Ford“ производството на мали комерцијални возила ќе го премести од Европа во Мексико.

Најавите од „Ford“ пристигнаа само неколку дена, откако американскиот претседател Доналд Трамп ја критикуваше конкурентската компанија „General Motors“ поради затворањето на фабриката во Лордстаун.