Форбс официјално го именува Лионел Меси за спортист со најголема заработувачка во 2022 година. Напаѓачот на Пари Сен Жермен и добитник на „Златната топка“ во 2021 година, заработил вкупно 130 милиони долари. Од тоа 75 милини заработил од активност врзани со фудбалот, а 55 милиони долари со ангажмани надвор од фудбалот. Во претходото издание на оваа листа Меси беше на второто место.

Зад Меси на второто место е НБА ѕвездата Леброн Џејмс кој заработил 121,2 милион долари. Потоа следува фудбалерот Кристијано Роналдо на третото место (115 милиони долари), а по него се фудбалерот Нејмар (95 милиони), кошаркарот Стеф Кари (92,8 милиони долари).

На шестото место е кошаркарот Кевин Дурант (92,1 милиони), тенисерот Роџер Федерер (90,7 милиони), боксерот Канело Алварез (90 милиони), Том Брејди кој е во американскиот фудбал (83,9 милиони), кошаркарот Јанис Адетокумбо (80,9 милиони). Тоа е најновата топ-тен листа на Форбс.

Познатoто американско деловно списание Форбс проценува дека овие топ-тен спортисти вкупно заработиле 992 милиони долари за последните 12 месеци. Ова е трета највисока годишна заработувачка на топ-тен спортисти од оваа листа, зад 2021 година кога врвните десетмина заработиле заедно 1,05 милијарда долари и 2018 година кога таа сума била 1,06 милијарда долари.