Европската агенција за лекови (ЕМА) во втората половина на декември би можела да одобри продажба на анти-ковид вакцини што независно ги развија американската старт-ап компанија „Модерна“ и сојузот на на американската фармацевтска компанија „Фајзер“ со германската биотехнолошка фирма „БајонТех“.

Ова вечерва го најави претседателката на Европската Комисија, Урсула фон дер Лајен.

– ЕМА секојдневно е во разговори со американските колеги во агенцијата за лекови ФДА за „усогласување на проценките, рече таа.

ЕМА би моќела да издаде условно одобрение за ставање во промет на вакцините на „Фајзер“/„БајонТех“ и на „Модерна“ од втората половина на декември, ако постапките бидат лесни, рече шефицата на извршната власт на ЕУ на крајот од видео-самитот на Унијата што беше посветен на пандемијата на коронавирус.