Фомин: Односите меѓу Русија и НАТО се на алармантно ниско ниво
Односите меѓу Русија и НАТО се на алармантно ниско ниво во ситуација на глобална нестабилност, изјави денеска заменик министерот за одбрана на Руската Федерација, генерал полковник Александар Васиљевиќ Фомин.
– Односите меѓу Русија и НАТО се на критично ниско ниво. Ова се случува во ситуација на глобална нестабилност, терористички закани и нови трки во вооружување, што (сите заедно) целосно ја деградира безбедносната архитектура на Европа – изјави Фомин по состанокот на Советот НАТО-Русија, соопшти руското Министерство за одбрана, пренесува ТАСС.
Во соопштението на Фомин се наведува дека Русија се надева оти разговорите со НАТО ќе бидат конструктивни и дека тие ќе им овозможат на двете страни што поскоро да започнат со работа на договор за безбедносни гаранции за Русија.
Предлозите на Русија на оваа тема се доставени и се чекаат преговори за нив, се вели во соопштението.
На состанокот на Советот НАТО-Русија, Фомин ги објасни воените аспекти на рускиот нацрт-договор за безбедносни гаранции, се прецизира во соопштението на руското Министерство за одбрана.
Столтенберг по состанокот: НАТО и Русија се далеку од договор, но има простор за напредок